هێنی هارۆلد هانسن

هێنی هارۆلد هانسن كێیه‌؟

هۆی هاتنی بۆ باشووری كوردستان:

له‌ساڵی 1957دا، ئه‌و كاته‌ی پڕۆژه‌ی دروستكردنی به‌ستی دوكان له‌ ئارادابووه‌، به‌ بڕیاری حكومه‌تی ئێراق و له‌لایه‌ن لیژنه‌یه‌كی دانیماركییه‌وه‌ (كه‌ كاری كۆكردنه‌وه‌ و پاراستنی ئه‌و پاشماوه‌ كۆنانه‌ی پێ سپێردراوه‌ كه‌ ده‌بن به‌ ژێر ئاوی به‌سته‌كه‌وه‌) ئه‌م خانمه‌، وه‌ك شاره‌زایه‌ك دیاری ده‌كرێت تا دوو ئه‌رك بگرێته‌ ئه‌ستۆ، یه‌كه‌میان: دیاریكردن و كۆكردنه‌وه‌ی كه‌ره‌سته‌ی ئه‌تنۆگرافیی و شتی كۆنینه‌ی ڕه‌سه‌نی كورده‌واری، دووه‌میان: به‌ئه‌نجام گه‌یاندنی لێكۆڵینه‌وه‌یه‌كی مه‌یدانی سه‌باره‌ت به‌ ئافره‌تی كورد.

له‌ ماوه‌ی مانه‌وه‌ی له‌ كوردستاندا, جگه‌ له‌ سه‌ردانى شاره‌كانى (هه‌ولێر، سلێمانی، كه‌ركووك)، سه‌ردانی هه‌ڵه‌بجه‌، ڕه‌واندوز، دوكان، شه‌مشاره‌، تۆپزاوه‌، میرزاڕۆسته‌م، شه‌ده‌ڵه‌، سه‌رگه‌ڵو، چه‌رمه‌پان ، به‌ڵخه‌، ته‌وێڵه‌ و... چه‌ندین گوند و شارۆچكه‌ى تریشی كردووه‌.

ئه‌و به‌رهه‌مانه‌ی كه‌ له‌ئه‌نجامی سه‌فه‌ره‌كه‌ی نووسیونی:

هه‌روه‌ها له‌ساڵی 1961یشدا، هێنی هارۆلد كتێبی (ژیانی ئافره‌تی كورد)ی وه‌ك به‌رهه‌می زانستی گه‌شته‌كه‌ی بلاوكردووه‌ته‌وه‌. له‌ ئه‌م به‌رهه‌مه‌یدا، مه‌به‌ستی سه‌فه‌ره‌كه‌ی هێناوه‌ته‌ دیی و تێیدا ژیانی هه‌مه‌لایه‌نه‌ی ئافره‌تی كوردی خستووه‌ته‌ ڕوو و باسی له‌ چه‌ند لایه‌نێكی ژیانی په‌یوه‌ندیدار به‌ ئافره‌تی كوردی كردووه‌، وه‌ك جلوبه‌رگ، كاروچالاكی، به‌شداری له‌ ژیانی كۆمه‌لایه‌تی، كه‌ره‌سته‌ی ڕازاندنه‌وه‌، كاری ده‌ستیی و چه‌ند بابه‌تێكی تر... ئه‌م به‌رهه‌مه‌ش له‌لایه‌ن (عه‌زیز گه‌ردی)ـه‌وه‌ كراوه‌ته‌ كوردیی و له‌ساڵی 1983 كۆڕی زانیاری عێراق -ده‌سته‌ی كورد- بلاوی كردووه‌ته‌وه‌. ساڵى 1998 له‌لایه‌ن (زه‌لال ئایمه‌ن)ه‌وه‌, هه‌ر به‌ ناوى (كچانى خوا) كراوه‌ به‌ توركى.

چه‌ند وێنه‌یه‌كی فۆتۆگرافی ئه‌و كه‌لوپه‌لانه‌ى كه‌ هینى هارۆلد ڕه‌وانه‌ى دانیماركى كردبوون و ئه‌مڕۆ له‌ مۆزه‌خانه‌ى نه‌ته‌وه‌یی كوپنهاگن پارێزراون: